«Transfermarkt» портали таҳлилчилари МЛС (АҚШ футбол лигаси)даги энг қиммат футболчиларни эълон қилди. Рейтинг пешқадамлари икки нафар ўйинчи — Жош Сарджент («Торонто») ва Эвандер («Цинциннати»). Ҳар иккала футболчи 16 миллион еврога баҳоланмоқда.

Улардан кейинги ўринда «Интер Майами» сафида тўп сураётган юлдузли аргентиналик ҳужумчи Лионель Месси бор. Саккиз карра «Олтин тўп» соҳибининг бозор нархи 15 миллион еврони ташкил этади. Худди шунча суммага яна икки футболчи — Андерс Дрейер («Сан-Диего») ва Сон Хён Мин («Лос-Анджелес») ҳам баҳоланган.

Месси Флорида клубида 2023 йилдан буён ўйнаб келмоқда. Ўтган мавсумда «Интер Майами» МЛС чемпиони бўлган эди.