Лондоннинг «Арсенал» клуби ва Франция терма жамоасининг собиқ футболчиси Самир Насри «ПСЖ»нинг амалдаги устози Луис Энрикенинг фаолиятини қаерда давом эттириши мумкинлиги борасида ўз фикрини билдирди.
«Энрике Чемпионлар лигасидаги иккита ғалабадан кейин «ПСЖ»ни тарк этиши мумкинми? Агар унга «Барселона»дан қўнғироқ қилишса у қайтишни хоҳлаши мумкин. Ҳозир унинг ишлари Парижда жуда яхши кетмоқда, шунинг учун ягона вариант сифатида «Барселона»ни кўраман», — дея французнинг сўзларини келтиради «Planet PSG».
Аввалроқ испаниялик мутахассис парижликлар топ-клуби билан ҳамкорликни 2030 йилнинг ўрталаригача узайтиришга яқин тургани ҳақида хабар берилган эди.
