«Барселона» чап қанот ҳимоячиси Алехандро Бальде клубни ўзгартирмоқчи эмас. «Кўк-анорранглилар» 22 ёшли футболчини сотиш имкониятини кўриб чиқишга тайёр, чунки улар унинг позициясига янги ўйинчи олиб келишни режалаштирмоқда. Шу билан бирга, журналист Херард Ромеронинг хабар беришича, каталонияликлар раҳбарияти ёш тарбияланувчини ўз хоҳишига қарши кетишга мажбурламайди.
Бальденинг ўзи доимий ўйин амалиётисиз қолиш эҳтимоли юқори эканини тушунса-да, барибоp ҳеч қаерга ўтишни истамаяпти. Алехандро Бальде ўтган мавсумда Ханс-Дитер Флик жамоаси сафида 42 та ўйинда майдонга тушиб, учта самарали узатмани амалга оширди. Transfermarkt сайтида испаниялик ҳимоячининг нархи 55 миллион еврони ташкил этади.
