«Ливерпуль» ҳужумчиси Александр Исак бош мураббий Арне Слотнинг истеъфоси ҳақида ўз фикрини билдирди. Нидерландиялик мутахассиснинг ишдан бўшатилгани 30 май куни эълон қилинган эди. Мураббий «қизиллар»ни икки йил давомида бошқарди.

«Ҳозирда Швеция терма жамоаси ихтиёридаман, шунинг учун «Ливерпуль» ишларидан бироз «узилганман». Аммо мураббийнинг кетиши — бу ҳар доим қайғули ҳолат. Одатда, ишлар ёмон кетганда биринчи бўлиб айнан мураббийлар жабр кўради. Бироқ, айтганимдек, нима бўлгани ва нима бўлиши ҳақида кўп нарса билмайман. Слотга фақат энг яхши тилакларни тилашим мумкин», — дея Исакнинг сўзларини келтиради инглиз ОАВлари.

Арне Слотнинг ўрнини «Борнмут»нинг собиқ устози Андони Ираола эгаллаши кутилмоқда, у билан аллақачон келишувга эришилган.