Украиналик ҳимоячи Илья Забарний Франциянинг «ПСЖ» клубини тарк этиши мумкин. Футболчи жамоадаги ўз ролидан норози.
DaveOckop ижтимоий тармоқ саҳифаси хабар беришича, ўйинчи илгари «Борнмут» сафида тўп сурган Англия Премьер-лигасига қайтиши эҳтимолга яқин. Забарнийнинг хизматлари «Ливерпуль» клубига таклиф қилинган. Илья мерсисайдликлар таркибида шу ёзда жамоасини ўзгартиришга яқин турган франциялик Ибраима Конатенинг ўрнини эгаллаши мумкин.
23 ёшли украиналик ҳимоячи 2025 йилнинг ёзида «ПСЖ» сафига келиб қўшилган эди. У Париж гранди билан беш йиллик меҳнат шартномаси имзолаган бўлиб, трансфер суммаси 63 миллион еврони ташкил этганди.













