Ҳужумчи Расмус Хойлунд Англиянинг «Манчестер Юнайтед» клубидан Италиянинг «Наполи» жамоасига тўлиқ кўчиб ўтди. Бу ҳақда «қизил иблислар» матбуот хизмати Х ижтимоий тармоғида расман хабар берди. Футболчи ўтган йилнинг ёзидан бери Неаполь клубида ижара асосида тўп сураётган эди.
«Клубдаги барча Расмусга келгуси фаолиятида омад тилайди», — дейилади «Манчестер Юнайтед» хабарида.
Оммавий ахборот воситаларининг маълумотларига кўра, «Наполи»нинг Хойлунни сотиб олиш варианти 44 миллион еврони ташкил этган. 2023 йилнинг августида «Манчестер Юнайтед» даниялик ҳужумчининг трансфери учун «Аталанта»га 79,8 миллион евро тўлаган эди. Якунланган мавсумда 23 ёшли форвард А Сериянинг 33 та ўйинида 12 та гол урди ва 6 та голли узатмани амалга оширди.
