Record хабарига кўра, «Реал» бош мураббий Жозе Моуриньо учун 15 миллион евро миқдоридаги товон пулини келгуси ҳафтада тўлаб бериши ҳақида «Бенфика»ни огоҳлантирди.
Томонлар португалиялик мутахассисни ишга олиш бўйича келишувга эга эди ва Мадрид клуби 7 миллион евро тўлашга тайёр эди. Бироқ, шартномага кўра, июнь ойидан бошлаб товон пули 15 миллион еврогача ошди. Кечикиш «Реал»да президентлик сайловлари ўтказилаётгани билан боғлиқ.
Чоршанба куни, 3 июль куни «Реал» президенти Флорентино Перес жонли эфирда ўз ғалабасидан сўнг клубнинг дастлабки харидлари Жозе Моуриньо ва «Ливерпуль» ҳимоячиси Ибраима Конате (унинг шартномаси 1 июль куни якунланган) бўлишини маълум қилди.
2025/26 йилги мавсумда «Реал» 86 очко жамғариб, Испания чемпионатида иккинчи ўринни эгаллади. Турнир ғолиби эса 94 очко билан «Барселона» бўлди.
