Испания терма жамоаси бош мураббийи Луис де ла Фуэнте жаҳон чемпионати фаворитларини аниқлашда сунъий интеллект моделларидан кўра одамларга кўпроқ ишонишини маълум қилди.
Аввалроқ Opta суперкомпьютери Испания терма жамоасини ЖЧ-2026 фаворити деб атаган ва унинг чемпионлик имкониятларини 16,1% га баҳолаган эди.
«Сунъий интеллект — келажак, буни фантастик деб ҳисоблайман, аммо мен одамларга кўпроқ ишонаман. Мен профессионаллар ёки ОАВ нима деяётганини кўпроқ қадрлайман.
Менимча, бу жаҳон чемпионати тарихий аҳамиятга эга, чунки кўплаб жамоаларда [ғалаба қозониш учун] имконият бор — Франция, Англия, Аргентина, Бразилия, Марокаш, Испания, Португалия, Сенегал... Бу жуда оғир жаҳон чемпионати бўлади ва биз титул учун кураша олишимизни ҳис қиляпмиз», — деди де ла Фуэнте.
