«Айнтрахт» ҳимоячиси Натаниэль Браун «Бавария»га ўтишга яқин турибди.
Sky Germany нашрининг хабарига кўра, Мюнхен клуби 22 ёшли футболчи билан оғзаки келишувга эришган. Музокараларда «Бавария» бош мураббийи Венсан Компани муҳим роль ўйнагани ва футболчини жамоага қўшилишга шахсан кўндиргани айтилмоқда. Унга кўра, Браун клуб билан 2031 йилнинг ёзигача мўлжалланган шартнома имзолаши мумкин.
Манбанинг таъкидлашича, «Айнтрахт» ўз футболчиси учун 60 дан 65 миллион еврогача маблағ олишни кўзламоқда. Ҳимоячининг Франкфурт клуби билан амалдаги шартномаси 2030 йилгача мўлжалланган бўлиб, унинг трансфер баҳоси 40 миллион еврога баҳоланмоқда.
