Португалия миллий терма жамоаси марказий ҳимоячиси Рубен Диаш АҚШ, Канада ва Мексика мезбонлик қиладиган бўлажак ЖЧ-2026 дан кутилмалари билан ўртоқлашди.
«Биз муваффақиятли натижага эришишни мақсад қилганмиз. Ҳозирда жамоамиз ўз кучига тўлиқ ишонмоқда. Ғалаба қозониш учун жуда кўп меҳнат қилиш талаб этилади. Ушбу турнирдаги амбицияларимиз ва мақсадларимиз жуда юқори», — дея футболчининг сўзларини келтиради ФИФА матбуот хизмати.
Эслатиб ўтамиз, Жаҳон чемпионатининг гуруҳ босқичида Португалия терма жамоа Колумбия, Ўзбекистон ва ДР Конго миллий терма жамоалари билан куч синашади.
Мусобақа 11 июнь куни старт олади ва 19 июлга қадар давом этади. Амалдаги Жаҳон чемпиони Аргентина терма жамоаси ҳисобланади.
