Мадриднинг «Реал» клубига келиб қўшилган Гарет Бэйл «Тоттенҳэм» чемпионлар лигасига чиққан тақдирда ҳам жамоани тарк этган бўлишини маълум қилди.

«Тоттенҳэм» ўтган мавсум якунига кўра чемпионлар лигасининг гуруҳ босқичига йўл олган тақдирда ҳам, менинг «Реал»га ўтиш ҳақидаги фикрим ўзгармаган бўларди.

Мен нафақат чемпионлар лигасида ўйнашни, балки совринларни қўлга киритишни хоҳлайман. «Реал» каби жамоалар ҳар қандай мусобақада ғолиблик учун кураша олади.

«Реал»нинг сенга қизиқиши бу жуда ажойиб. Бундай таклиф инсон ҳаётида бир марта бўлиши мумкин. Агар «Реал»нинг таклифини рад этсам, бутун умр афсусланиб ўтардим»,- дейди футболчи.