"Реал" ҳужумчиси Килиан Мбаппе ўзи тўп сураётган клубнинг мақоми ҳақида фикр билдирди. Француз футболчиси "Реал"ни дунёдаги энг буюк клуб деб ҳисоблайди.
"Барселона" мухлисларидан ташқари ҳамма "Реал"нинг дунёдаги энг буюк клуб эканлигини билади", — дея Мбаппенинг сўзларини келтиради The Touchline нашри Sorareга таяниб.
Килиан Мбаппе "Реал" таркибига 2024 йилнинг ёзида келиб қўшилган эди. Ўшандан бери ҳужумчи клуб миқёсида 103 та расмий учрашувда майдонга тушиб, ўз ҳисобига 86 та гол ва 12 та голли узатмани ёздириб қўйди.
Таъкидлаш жоизки, Мбаппе икки мавсум давомида "Реал" билан бор-йўғи иккита совринни қўлга киритди: УЕФА Суперкубоги ва Қитъалараро кубок. Ла Лиганинг якунланган сўнгги мавсумини эса "қаймоқранглилар" иккинчи ўринда якунлашди.
