«Манчестер Юнайтед»нинг янги аъзоси Маруан Феллайни янги мавсумдан нималарни кутаётгани ҳақида фикр билдирди.

«Мавсумни «Эвертон» билан бошладим, лекин менинг мақсадим «МЮ»га ўтиш эди. Янги жамоамдаги илк учрашувимни сабрсизлик билан кутаяпман. Асосий таркибдан ўрин олиш учун жуда кўп ишлашим керак эканини биламан.

«МЮ»да кўп вақт қолишни ва совринларни қўлга киритишни хоҳлайман. Ҳар йили ғолиблик учун давогарлар кўпайиб бораётган бур вақтда бунга эришиш қийин, лекин жамоамиз ҳар қандай рақибни енга оладиган даражада кучли деб ўйлайман.

Бу мен учун муҳим қадам бўлди. Беш йилдан буён Англиядаман ва янги жамоага мослашиш қийин бўлмайди»,- дейди футболчи.