«Милан» ҳужумчиси Рафаэл Леау клуб алмаштиришга тайёргарлик кўрмоқда. 26 ёшли футболчи яқин орада Италияни тарк этиш ниятида эканлигини аллақачон тан олди. Яқинда берган интервьюсида португалиялик юлдуз фаолиятини қаерда давом эттирмоқчи эканлигини очиқлади.
«Мен А Сериядан ташқарида янги чорловни қабул қилмоқчиман. Англия Премьер-лигасини катта қизиқиш билан кузатиб бораман — агар у ерда ёки Ла Лигада ўйнаш имконияти пайдо бўлса, жуда хурсанд бўлардим. Менимча, бу чемпионатларда менинг иқтидорим янада ёрқинроқ намоён бўлган бўларди. Кўрамиз, бу ёзда нималар содир бўлар экан», — деди ҳужумчи SportTV билан суҳбатда.
Леау 2019 йилдан буён «Милан» шарафини ҳимоя қилиб келмоқда. 10 июнь куни «россонерилар» юлдузи 27 ёшни қарши олади.
