Перу терма жамоаси устози Серхио Маркарян жаҳон чемпионати саралаши доирасидаги Уругвайга қарши ўйин ҳақида фикр билдирар экан, Луис Суаресга қарши қўполлик қилган Йосимар Йотуннинг қизил карточка олишини ноҳақлик деб баҳолади.
«Йотуннинг ҳаракати ростдан ҳам қўполлик эди, лекин мен ўйин давомида ундан ёмонроқ ҳолатларни кўрдим. Уругвайлик футболчилар шогирдларимга нисбатан жуда қўпол ҳаракат қилишди ва бир неча марта симуляция ишлатишди.
Ушбу ўйинни бошқарган ҳакам Патрисиу Лустао жаҳон чемпионатига бормаслиги учун қўлимдан келган барча ишни қиламан. Айнан ўша вазият ўйин учун ҳал қилувчи бўлди»,- дейди мураббий.
