Ўзбекистон миллий терма жамоаси ярим ҳимоячиси Азиз Ғаниев Канадага қарши ўтказилган ўртоқлик учрашувида олган жароҳатидан сўнг, умумий гуруҳ машғулотларига қайтди.

“Дарё” манбасига кўра, футболчи Жаҳон чемпионати бошлангунича жароҳатдан тўлиқ фориғ бўлади. Ғаниев ҳозирда жамоа шифокорлари ва жисмоний тайёргарлик бўйича мураббийлар назоратида тикланиш машғулотларини ҳам олиб бормоқда.

Маълумот учун, 2 июнь тонгида Ўзбекистон терма жамоаси Жаҳон чемпионати олдидан дастлабки ўртоқлик учрашувида майдонга тушди. Эдмонтон шаҳрида Канада терма жамоасига қарши кечган баҳсда Фабио Каннаваро жамоаси 0:2 ҳисобида имкониятни бой берди.

Учрашувнинг 23-дақиқасида Ўзбекистон терма жамоаси ярим ҳимоячиси Азиз Ғаниев жароҳат олиб, майдонни тарк этишга мажбур бўлди.

Эслатиб ўтамиз, Фабио Каннаваро шогирдлари Жаҳон чемпионати гуруҳ босқичида Португалия, Колумбия ва Конго терма жамоалари билан ўзаро баҳс олиб боради. Ўзбекистон мундиалдаги илк ўйинини 18 июнь куни Колумбияга қарши ўтказади. Ушбу учрашувга Мексика пойтахтидаги “Ацтека” стадиони мезбонлик қилади

“Оқ бўрилар” Жаҳон чемпионати олидан охирги назорат ўйинини 8 июнь куни Нидерланияга қарши ўтказади.