Жаҳон чемпионати саралаши доирасидаги Эстонияга қарши учрашувда жамоасини мағлубиятдан қутқариб қолган Голландия терма жамоаси ҳужумчиси Робин ван Перси рақибдан жиддий қаршилик кутмаганини таъкидлади.

«Ким бундай бўлишини кутган эди? Лекин айнан шундай ўйинлар учун футболни севишади. Ғалаба қозона олмаганимиздан афсусдаман. Футболда шунақаси ҳам бўлиб туради.

Кўпчилик бу учрашув биз учун осон кечишини таъкидлашганди. Ўзингиз кўрдингиз, Эстониялик йигитлар жуда ажойиб ўйин кўрсатишди.

Биз ғалаба қозонишимиз ҳам мумкин эди, лекин охирги дақиқаларда ҳисобни тенглаштирганимиздан хурсанд бўлишимиз керак»,- дейди ҳужумчи.

Эслатиб ўтамиз, ҳакам томонидан қўшиб берилган дақиқаларда ван Перси пенальтидан гол киритиб, жамоасига бир очко келтирган эди.