«Пари Сен-Жермен» голкипери Люка Шевалье бошқа клубларнинг қизиқишларини ўзига жалб қилишда давом этмоқда. PSG Report нашрининг Франция ОАВларига таяниб хабар беришича, 24 ёшли француз Англиянинг «Астон Вилла» клуби радарларига тушган.
Ёш дарвозабон Бирмингем клубида Эмилиано Мартинеснинг ўрнини эгаллаши мумкин. Кўплаб миш-мишларга кўра, Мартинес жамоадан кетиш ҳақида жиддий ўйлаб қолган.
Шевалье учун «ПСЖ»даги илк мавсум муваффақиятсиз кечди: у асосий таркиб учун курашда Матвей Сафоновга ютқазиб қўйди, мавсум якунини эса жароҳат сабабли ўтказиб юборди. Дарвозабон парижликлар сафида умумий ҳисобда 26 та ўйинда майдонга тушиб, ўз дарвозасидан 28 та тўп олиб чиқди. Футболчининг Transfermarkt порталидаги баҳоси 25 миллион еврони ташкил этади.
