ФИФАнинг Жаҳон чемпионатига бағишланган расмий саҳифасида Неймар ҳақида пост жойлаштирилди. Ушбу публикациядан Неймарнинг турли мундиалларда тушган тўртта сурати ўрин олган. Суратлар остига эса «Биз унинг қандай улғайганини кузатдик», дея матн ёзиб қолдирилган.
Изоҳларда Неймарнинг ўзи кўриниш берди. 34 ёшли бразилиялик футболчи бор-йўғи икки оғиз сўз ёзди.
«Сўнгги рақс (The Last dance)», — дея хабар қолдирган Неймар.
Бундан кўриниб турибдики, бўлажак Жаҳон чемпионати Неймар учун фаолиятидаги охиргиси бўлади.
Бундан аввалроқ Карло Анчелотти Неймарнинг жисмоний ҳолати ҳақида фикр билдирган эди. Ҳужумчи келаси ҳафтадан жамоа билан машғулотларга қайтиш имкониятига эга. Бразилия терма жамоаси ЖЧ-2026даги илк ўйинини 14 июнь куни Марокашга қарши ўтказади.
