FIFAning Jahon chempionatiga bag‘ishlangan rasmiy sahifasida Neymar haqida post joylashtirildi. Ushbu publikasiyadan Neymarning turli mundiallarda tushgan to‘rtta surati o‘rin olgan. Suratlar ostiga esa «Biz uning qanday ulg‘ayganini kuzatdik», deya matn yozib qoldirilgan.

Izohlarda Neymarning o‘zi ko‘rinish berdi. 34 yoshli braziliyalik futbolchi bor-yo‘g‘i ikki og‘iz so‘z yozdi.

«So‘nggi raqs (The Last dance)», — deya xabar qoldirgan Neymar.

Bundan ko‘rinib turibdiki, bo‘lajak Jahon chempionati Neymar uchun faoliyatidagi oxirgisi bo‘ladi.

Bundan avvalroq Karlo Anchelotti Neymarning jismoniy holati haqida fikr bildirgan edi. Hujumchi kelasi haftadan jamoa bilan mashg‘ulotlarga qaytish imkoniyatiga ega. Braziliya terma jamoasi JCH-2026dagi ilk o‘yinini 14 iyun kuni Marokashga qarshi o‘tkazadi.