Португалия терма жамоаси Жаҳон чемпионатига тайёргарлик доирасида Чилига қарши ўртоқлик учрашувини ўтказди. «Европалик бразилияликлар» 2:1 ҳисобида ғалаба қозонишди. Криштиану Роналду баҳсда бир бўлим ўйнади ва гол ура олмади.
Ўйиндан сўнг 41 ёшли Роналду ўйин олдидан ва учрашув пайтида туширилган бир нечта суратларини ижтимоий тармоққа жойлаштирди.
«Жаҳон чемпионатига тайёргарлик», — дейилади Роналдунинг хабарида.
Португалия терма жамоаси Жаҳон чемпионатидаги юришини 17 июнь куни бошлайди. Шу куни Роберто Мартинес шогирдлари Конго ДРга қарши майдонга тушишади. Кейинроқ португаллар гуруҳда Ўзбекистон ва Колумбия терма жамоалари билан куч синашишади.
