«Милан» ярим ҳимоячиси Рубен Лофтус-Чик Эдерсоннинг «Манчестер Юнайтед»га ўтиши мумкинлиги борасида ўз фикрларини ўртоқлашди. «Аталанта»нинг бразилиялик ярим ҳимоячиси «қизил иблислар» билан шартнома шартларини келишиб бўлган ва у июль ойида 45 миллион евро эвазига жамоасини ўзгартириши кутилмоқда.

«Менимча, у бу вазифани аъло даражада уддалайди. Бир-биримизга қарши ўйнаганимизда, у доим жисмонан бақувват кўринган. У тезкор, кучли ва тўп билан яхши муомала қилади. Шу боис, у ўзини жуда яхши кўрсата олади деб ҳисоблайман. Бу яхши трансфер бўлди», — дея Лофтус-Чикнинг сўзларини келтирмоқда Sky Sports.

Якунланган мавсумда 26 ёшли Эдерсон клуб миқёсида 41 та ўйинда майдонга тушиб, 3 та гол ва 2 та голли узатма билан ажралиб турди.