«Milan» yarim himoyachisi Ruben Loftus-CHik Edersonning «Manchester Yunayted»ga o‘tishi mumkinligi borasida o‘z fikrlarini o‘rtoqlashdi. «Atalanta»ning braziliyalik yarim himoyachisi «qizil iblislar» bilan shartnoma shartlarini kelishib bo‘lgan va u iyul oyida 45 million yevro evaziga jamoasini o‘zgartirishi kutilmoqda.

«Menimcha, u bu vazifani a’lo darajada uddalaydi. Bir-birimizga qarshi o‘ynaganimizda, u doim jismonan baquvvat ko‘ringan. U tezkor, kuchli va to‘p bilan yaxshi muomala qiladi. Shu bois, u o‘zini juda yaxshi ko‘rsata oladi deb hisoblayman. Bu yaxshi transfer bo‘ldi», — deya Loftus-CHikning so‘zlarini keltirmoqda Sky Sports.

Yakunlangan mavsumda 26 yoshli Ederson klub miqyosida 41 ta o‘yinda maydonga tushib, 3 ta gol va 2 ta golli uzatma bilan ajralib turdi.