Англия терма жамоаси бош мураббийи Томас Тухель Жуд Беллингемнинг Янги Зеландияга қарши ўйиндаги ҳаракатларини юқори баҳолади.
«Реал Мадрид» ярим ҳимоячиси ғалаба билан якунланган ўртоқлик учрашувининг (1:0) 2-бўлимида майдонга тушди.
«Жудда қатъиятлик ва тиришқоқлик бор, булар у учун асосий хусусиятлардир.
Жароҳатдан сўнг унинг энергияга тўла эканлиги ва майдонга қайтганидан хурсандлиги кўриниб турибди. Афсуски, у мавсумнинг энг ҳал қилувчи палласида сафдан чиққан эди.
Лекин ҳозир у билан ҳаммаси жойида эканлиги кўриниб турибди. У кучга тўлиб қайтмоқда, ўйнашни хоҳлайди ва ажойиб спорт формасида», — деб таъкидлади Тухель.
Эслатиб ўтамиз, Беллингем Англия терма жамоасининг ЖЧ-2026 учун қайдномасидан жой олган. 2026 йилги Жаҳон чемпионати 11 июндан 19 июлга қадар АҚШ, Канада ва Мексика майдонларида бўлиб ўтади.
