Angliya terma jamoasi bosh murabbiyi Tomas Tuxel Jud Bellingemning Yangi Zelandiyaga qarshi o‘yindagi harakatlarini yuqori baholadi.

«Real Madrid» yarim himoyachisi g‘alaba bilan yakunlangan o‘rtoqlik uchrashuvining (1:0) 2-bo‘limida maydonga tushdi.

«Judda qat’iyatlik va tirishqoqlik bor, bular u uchun asosiy xususiyatlardir.

Jarohatdan so‘ng uning energiyaga to‘la ekanligi va maydonga qaytganidan xursandligi ko‘rinib turibdi. Afsuski, u mavsumning eng hal qiluvchi pallasida safdan chiqqan edi.

Lekin hozir u bilan hammasi joyida ekanligi ko‘rinib turibdi. U kuchga to‘lib qaytmoqda, o‘ynashni xohlaydi va ajoyib sport formasida», — deb ta’kidladi Tuxel.

Eslatib o‘tamiz, Bellingem Angliya terma jamoasining JCH-2026 uchun qaydnomasidan joy olgan. 2026 yilgi Jahon chempionati 11 iyundan 19 iyulga qadar AQSH, Kanada va Meksika maydonlarida bo‘lib o‘tadi.