Франция миллий терма жамоаси Жаҳон чемпионатига тайёргарлик кўрмоқда. Яқинда ҳимоячи Вильям Салибанинг соғлиғида муаммолар пайдо бўлган эди, Усмон Дембелега эса дам олиш учун вақт берилганди. Қувонарлиси, иккала футболчи ҳам сафга қайтмоқда.
«Эртанги учрашувда барча 26 нафар футболчи майдонга тушишга тайёр бўлади. Салибанинг ҳолатини тиббий штаб назорат қилиб бормоқда ва биз унинг жисмоний юкламаларини ўзининг ҳиссиётларига қараб бошқаряпмиз. Аммо бу муаммо унга «Арсенал» сафида, жумладан, 120 дақиқа давом этган Чемпионлар Лигаси финалида ўйнашга халақит бермаган эди.
Дембеле таркибда бўладими? Ҳа, худди бошқа футболчилар қатори. Мен унга куч йиғиб олиши учун дам беришни муҳим деб ҳисоблагандим», — деди Дешам Telefoot телеканалига.
Душанба куни Франция терма жамоаси Шимолий Ирландияга қарши ўртоқлик учрашувида майдонга тушади.
