Fransiya milliy terma jamoasi Jahon chempionatiga tayyorgarlik ko‘rmoqda. Yaqinda himoyachi Vilyam Salibaning sog‘lig‘ida muammolar paydo bo‘lgan edi, Usmon Dembelega esa dam olish uchun vaqt berilgandi. Quvonarlisi, ikkala futbolchi ham safga qaytmoqda.
«Ertangi uchrashuvda barcha 26 nafar futbolchi maydonga tushishga tayyor bo‘ladi. Salibaning holatini tibbiy shtab nazorat qilib bormoqda va biz uning jismoniy yuklamalarini o‘zining hissiyotlariga qarab boshqaryapmiz. Ammo bu muammo unga «Arsenal» safida, jumladan, 120 daqiqa davom etgan Chempionlar Ligasi finalida o‘ynashga xalaqit bermagan edi.
Dembele tarkibda bo‘ladimi? Ha, xuddi boshqa futbolchilar qatori. Men unga kuch yig‘ib olishi uchun dam berishni muhim deb hisoblagandim», — dedi Desham Telefoot telekanaliga.
Dushanba kuni Fransiya terma jamoasi Shimoliy Irlandiyaga qarshi o‘rtoqlik uchrashuvida maydonga tushadi.
