Лондоннинг «Челси» клуби ва Бразилия терма жамоаси ҳужумчиси Эстевао Виллиан бўлажак Жаҳон чемпионатини ўтказиб юборишига сабаб бўлган жароҳатига қандай муносабат билдиргани ҳақида гапирди.
«Жаҳон чемпионатида ўйнаш — бу ушалган орзу, ҳамма бундан умид қилади. Шунинг учун бу жароҳат қалбимда улкан қайғу соатларини яратди. Мен ота-онамнинг бағрида жуда кўп йиғладим, ҳазил эмас, чиндан ҳам жуда кўп йиғладим. Айнан шундай лаҳзаларда яқин инсонларинг ёнингда бўлиши керак ва мен бундан жуда миннатдорман. Аммо ҳаёт давом этади. Энди энг муҳими — имкон қадар тезроқ сафга қайчиш учун тикланиш ва даволаниш жараёнини яхши ўтказиш», — дея Эстеваодан иқтибос келтиради ESPN Brasil.
Эслатиб ўтамиз, бразилиялик футболчи Англия чемпионати доирасида «Манчестер Юнайтед»га қарши кечган ўйинда тизза орти пайларини йиртиб олган эди.
2025/26 йилги мавсумда Эстевао Лондон клуби сафида барча турнирларда 36 та учрашувда майдонга тушиб, ўз ҳисобига 8 та гол ва 4 та голли узатмани ёздириб қўйган. Transfermarkt портали футболчини 80 миллион еврога баҳоламоқда.
