«Фейеноорд» клуби бош мураббий Робин ван Персининг истеъфога чиқарилганини эълон қилди. Томонлар ҳамкорликни муддатидан олдин тўхтатдилар.
«Биз жамоа натижаларини ички томондан атрофлича баҳолаб чиқдик ва ҳам еврокубокларда, ҳам Эредивизияда (Нидерландия чемпионатида) қўлга киритилган очколар сони камайиш сари кетаётганини кўрдик. Якунда янги мавсумни янги бош мураббий билан бошлаган маъқул, деган хулосага келдик», — дея клуб матбуот хизмати техник директор Деви Ригонинг сўзларини келтирмоқда.
Ван Перси ушбу лавозимни 2025 йилнинг 24 февралидан буён эгаллаб келаётган эди. 42 ёшли мутахассис қўл остида жамоа жами 58 та ўйин ўтказиб, 30 та ғалаба, 9 та дуранг ва 19 та мағлубият қайд этди.
2025/26 йилги мавсумда «Фейеноорд» Нидерландия чемпионати турнир жадвалида иккинчи ўринни эгаллади.
