«Рейнжерс» клубининг собиқ бош мураббийи Расселл Мартин «Лестер» жамоасини бошқариши мумкин, деб хабар бермоқда «The Telegraph» нашри.

Манбанинг берган маълумотларига кўра, томонлар ўртасидаги музокаралар якуний палласига кирган.

40 ёшли шотландиялик мутахассиснинг охирги иш жойи «Рейнжерс» клуби бўлиб, у ерни 2025 йилнинг октябрь ойида тарк этган эди. Бунга қадар Мартин «Саутгемптон», «Суонси» ва «МК Донс» жамоаларида мураббийлик қилган.

Ортда қолган мавсум якунларига кўра, «Лестер» Чемпионшипдан ҳам тушиб кетиб, кучлилиги жиҳатидан Англиянинг учинчи дивизиони ҳисобланган Лига 1-га равона бўлди.