«Reynjers» klubining sobiq bosh murabbiyi Rassell Martin «Lester» jamoasini boshqarishi mumkin, deb xabar bermoqda «The Telegraph» nashri.
Manbaning bergan ma’lumotlariga ko‘ra, tomonlar o‘rtasidagi muzokaralar yakuniy pallasiga kirgan.
40 yoshli shotlandiyalik mutaxassisning oxirgi ish joyi «Reynjers» klubi bo‘lib, u yerni 2025 yilning oktyabr oyida tark etgan edi. Bunga qadar Martin «Sautgempton», «Suonsi» va «MK Dons» jamoalarida murabbiylik qilgan.
Ortda qolgan mavsum yakunlariga ko‘ra, «Lester» Chempionshipdan ham tushib ketib, kuchliligi jihatidan Angliyaning uchinchi divizioni hisoblangan Liga 1-ga ravona bo‘ldi.
