«Наполи» клуби Массимилиано Аллегрини 7 кундан 10 кунгача кутишга тайёр, чунки мутахассис билан шартнома имзолаш бўйича аллақачон келишувга эришилган.

«Наполи» президенти Аурелио Де Лаурентис мураббийга «Милан» билан товон пули (шартномани бекор қилганлик учун бериладиган компенсация) борасида келишиб олиши учун айнан шунча вақт ажратди. Агар белгиланган муддат ичида масала ҳал бўлмаса, неаполитанликлар бош мураббийлик пости учун бошқа номзодлар билан музокараларга киришади, деб хабар бермоқда «Calcio Mercato» нашри.

Эслатиб ўтамиз, аввалроқ Аллегри «россонерилар» раҳбариятидан ўзи учун 2 миллион евро ва штаби (ёрдамчилари) учун 3 миллион евро талаб қилаётгани, бироқ клуб бу талабларни бажаришга тайёр эмаслиги хабар қилинган эди. «Наполи» эса Аллегрига мавсум учун 4,5 миллион евро маош тўлашга тайёр.