Испания терма жамоаси устози Луис де ла Фуэнте Каталониянинг «Барселона» клуби ярим ҳимоячиси Гавининг жанговар характерини мақтади. У машғулот пайтида Гави Родрига қарши анча қўпол ўйнаганидан сўнг, уни айнан шундай ҳолатда кўришни яхши кўришини маълум қилди.
«Машғулотлар ҳам — футболнинг бир қисми. Машғулот жараёнида ҳам ҳамма бор кучини бериши керак. Мен уни мана шундай ҳолатда жуда яхши кўраман. Бироқ Гави ўз энергиясини тўғри йўналишга йўналтиришни ўрганиши лозим», — дея де ла Фуэнтенинг сўзларидан иқтибос келтирмоқда derbyderbyderby.it.
Эслатиб ўтамиз, бўлажак Жаҳон чемпионатида Испания терма жамоаси «H» гуруҳида Кабо-Верде, Саудия Арабистони ва Уругвай миллий терма жамоаларига қарши майдонга тушади.
