Ispaniya terma jamoasi ustozi Luis de la Fuente Kataloniyaning «Barselona» klubi yarim himoyachisi Gavining jangovar xarakterini maqtadi. U mashg‘ulot paytida Gavi Rodriga qarshi ancha qo‘pol o‘ynaganidan so‘ng, uni aynan shunday holatda ko‘rishni yaxshi ko‘rishini ma’lum qildi.
«Mashg‘ulotlar ham — futbolning bir qismi. Mashg‘ulot jarayonida ham hamma bor kuchini berishi kerak. Men uni mana shunday holatda juda yaxshi ko‘raman. Biroq Gavi o‘z energiyasini to‘g‘ri yo‘nalishga yo‘naltirishni o‘rganishi lozim», — deya de la Fuentening so‘zlaridan iqtibos keltirmoqda derbyderbyderby.it.
Eslatib o‘tamiz, bo‘lajak Jahon chempionatida Ispaniya terma jamoasi «H» guruhida Kabo-Verde, Saudiya Arabistoni va Urugvay milliy terma jamoalariga qarshi maydonga tushadi.
