«Комо» клубини бошқараётган испаниялик мураббий Сеск Фабрегас жамоада нима сабабдан италиялик футболчилар жуда камлиги ҳақидаги саволга жавоб берди. Ҳозирда «Комо» таркибида Италия паспортига эга фақатгина икки нафар ўйинчи бор, улардан бири эса якунланган мавсумда бирорта ҳам ўйинда майдонга тушмаган.

«Бу ҳолат менга ёқмайди. А Серияга чиқишимиздан олдин (Б Серияда) жамоанинг 95 фоизини италияликлар ташкил этарди ва биз ғалаба қозонгандик. Ҳозирги таркиб учун мос келадиган маҳаллий футболчиларни топишнинг имкони бўлмади, бироқ мен ўзимни Италия футболининг бир қисми деб ҳис қиламан ва унинг ривожланишига ёрдам беришни хоҳлайман», — дея мураббийнинг сўзларини келтиради Corriere della Sera.

Ортда қолган А Серия мавсуми якунларига кўра, «Комо» турнир жадвалида тўртинчи ўринни эгаллади. Кейинги мавсумда Фабрегас жамоаси ўз тарихида илк бор Чемпионлар Лигасида иштирок этади.