АҚШнинг Нью-Йорк шаҳрида Ўзбекистон миллий жамоаси Жаҳон чемпионати олдидан сўнгги ўртоқлик ўйинини ўтказди. Жамоамиз Европанинг кучли жамоаларидан бири — Нидерландияга қарши майдонга тушди.

Баҳснинг 31-дақиқасида Жаҳонгир Ўрозов ўз жарима майдони ичида рақиб футболчисини чалиб йиқитди. Белгиланган пенальтини эса Коди Гакпо аниқ амалга ошириб, ҳисобни очди.

Умуман олганда, биринчи бўлимда тўлиқ устунлик европаликлар томонида бўлди. Иккинчи бўлимда эса жамоамиз ташаббусни ўз томонига оғдира бошлади. Айниқса, майдонга Игорь Сергеев ва Жамшид Искандеров туширилгач, хавфли вазиятлар юзага кела бошлади.

Ўйин сўнггида ҳакам Нидерландия дарвозаси томон пенальти белгилаши мумкин эди. Аммо у видеотакрорни томоша қилгач, рақиб ҳимоячисига қизил карточкага кўрсатиб, жарима майдони ташқарисидан зарба белгилади. Отабек Шукуров эса жаримадан анча ноаниқ зарба йўллади.

90+2-дақиқада Ўзбекистон ҳисобни тенглаштирди. Ҳужум натижасида тўп рекошетлар орқали Сергеевга келиб тушди ва Игорь яқин масофадан дарвозани ишғол қилди.

Нидерландия бир киши кам бўлиб ўйнаётганига қарамай, ҳужумга ўтди. Бир вазиятда Абдуқодир Ҳусанов бизни яққол голдан қутқарди. 90+8-дақиқада эса бурчакдан тўп ўйинга киритилган вазият ҳимоячиларимиз рақиб ҳужумчисини тортиб йиқитишди. Ҳакам пенальти белгилади. Гакпо бу сафар ҳам 11 метрли жарима зарбасидан унумли фойдаланиб, Нидерландияга ғалаба келтирди.

Халқаро ўртоқлик ўйини
НИДЕРЛАНДИЯ - ЎЗБЕКИСТОН - 1:2
Голлар: Коди Гакпо (31-пенальти, 90+8-пенальти) — Игорь Сергеев (90+2)