Сенегал терма жамоаси ҳимоячиси Калиду Кулибали бўлажак жаҳон чемпионатидаги асосий мақсад чорак финалга чиқиш эканлигини маълум қилди. Аввалроқ Сенегал терма жамоаси фақат бир марта — 2002 йилда ушбу босқичгача етиб борган эди.
«Биз катта ишларни амалга оширишга тайёрмиз ва буни бир неча бор исботлаганмиз. Аммо жаҳон чемпионати — жуда мураккаб турнир. Шу сабабли ҳақиқатга тўғри баҳо беришимиз керак. Имкон қадар узоқроққа, балки чорак финалгача етиб боришга ҳаракат қиламиз», — дея Кулибалининг сўзларидан иқтибос келтирмоқда Derbyderbyderby.it.
Таъкидлаш жоизки, Сенегал терма жамоасининг жорий йилдаги кўплаб муаммолари фонида бу жуда улкан мақсад ҳисобланади.
