«Пари Сен-Жермен» ва Португалия терма жамоаси ҳужумчиси Гонсалу Рамуш ўйинлар давомида тез-тез захира ўриндиғида қолишига қарамай, ҳар икки жамоадаги ўз ролидан мамнун эканлигини тан олди ва таркибдаги рақобат ҳақида гапирди.
«Мен ҳар доим жамоамга ўз ҳиссамни қўша оламан. Криштиану Роналдунинг миллий терма жамоадаги ўрнини таърифлашга ҳожат йўқ. Клубдаги биринчи йилимдан буён «ПСЖ»да Мбаппе бор эди. Бугун эса жамоада Усмон Дембеле ўйнамоқда, уни ҳам таништириб ўтиш шарт эмас. Бундай юқори даражадаги рақобатга қарамай, мен фойда келтиришга ва натижага таъсир ўтказишга қодирман. Бу менинг характерим, матонатим ва профессионал фазилатларимнинг исботидир», — дея Рамушнинг сўзларидан иқтибос келтирмоқда Record нашри.
