Жаҳон чемпионати—2026 гуруҳ босқичининг 1-туридан ўрин олган Мексика ва ЖАР терма жамоалари ўртасидаги учрашув олдидан Opta суперкомпьютери жамоаларнинг имкониятларини ҳисоблаб чиқди.
Дастур таҳлилига кўра, мусобақа мезбонлари мазкур баҳсда яққол фаворит сифатида кўрилмоқда. Суперкомпьютер Мексика терма жамоасининг ғалаба қозониш имкониятини 66,3 фоизга баҳолади.
Африка вакиллари — ЖАР терма жамоасининг муваффақият қозониш эҳтимоли эса анча паст, яъни 14,3 фоизни ташкил этмоқда. Учрашувда дуранг қайд этилиши имконияти эса 19,3 фоизга тенг деб топилган.
Эслатиб ўтамиз, Мексика — ЖАР учрашуви бугун, 11 июндан 12 июнга ўтар кечаси Тошкент вақти билан соат 00:00 да Мехикодаги марказий стадионда бошланади. Бу учрашув 2026 йилги мундиалнинг очилиш ўйини ҳисобланади.
