Jahon chempionati—2026 guruh bosqichining 1-turidan o‘rin olgan Meksika va JAR terma jamoalari o‘rtasidagi uchrashuv oldidan Opta superkompyuteri jamoalarning imkoniyatlarini hisoblab chiqdi.

Dastur tahliliga ko‘ra, musobaqa mezbonlari mazkur bahsda yaqqol favorit sifatida ko‘rilmoqda. Superkompyuter Meksika terma jamoasining g‘alaba qozonish imkoniyatini 66,3 foizga baholadi.

Afrika vakillari — JAR terma jamoasining muvaffaqiyat qozonish ehtimoli esa ancha past, ya’ni 14,3 foizni tashkil etmoqda. Uchrashuvda durang qayd etilishi imkoniyati esa 19,3 foizga teng deb topilgan.

Eslatib o‘tamiz, Meksika — JAR uchrashuvi bugun, 11 iyundan 12 iyunga o‘tar kechasi Toshkent vaqti bilan soat 00:00 da Mexikodagi markaziy stadionda boshlanadi. Bu uchrashuv 2026 yilgi mundialning ochilish o‘yini hisoblanadi.