Мексика терма жамоасининг 17 ёшли ярим ҳимоячиси Хильберто Мора гуруҳ босқичи 1-туридан ўрин олган ЖАРга қарши учрашувнинг 66-дақиқасида захирадан майдонга тушиб, ЖЧ-2026да дебют қилди.
Хавбек жаҳон чемпионатлари тарихида майдонга тушган энг ёш футболчилар рўйхатида олтинчи ўринни эгаллади — Мора ҳозирда 17 ёш-у 240 кунлик.
ЖЧ тарихидаги энг ёш футболчи шимолий ирландиялик Норман Уайтсайд ҳисобланади, у ЖЧ-1982 доирасидаги ўйинда 17 ёш-у 41 кунлигида иштирок этган. Иккинчи ўринни камерунлик Самюэль Это'О (17 ёш-у 99 кун), учинчи ўринни нигериялик Феми Опабунми (17 ёш-у 101 кун), тўртинчи ўринни камерунлик Саломон Олембе (17 ёш-у 185 кун) ва бешинчи ўринни бразилиялик Пеле (17 ёш-у 235 кун) банд этган.
