Англиялик собиқ ҳужумчи Майкл Оуэн старт олган Жаҳон чемпионатида Англия миллий жамоасини бошқараётган Томас Тухелнинг имкониятларига шубҳа билан қарамоқда. Унинг фикрича, Тухель билан шартномани узайтиришга шошилиш керак эмас эди.

“У билан шартнома узайтирилгани ҳақидаги хабардан ҳайрон қолдим. Тухелни ҳурмат қилган ҳолда айтаманки, у ҳали ҳеч нарсани исботлагани йўқ. Жаҳон чемпионатига йўлланма олиш — бу табиий ҳол, қаҳрамонлик эмас. Ҳар доим айтганимдек, биз учун ўз мураббийимиз, яъни инглиз мутахассиси бўлгани яхшироқ”, — дея Оуэннинг сўзларини келтиради derbyderbyderby.it.

Эслатиб ўтамиз, инглизлар сўнгги иккита Европа чемпионати финалида ўйнашган, бироқ бу натижалар Тухель келишидан олдин қайд этилган эди.