Корея терма жамоаси ЖЧ-2026 гуруҳ босқичи учрашувида Чехия устидан 2:1 ҳисобида ғалаба қозонди. Ўйин Мексиканинг Сапопан шаҳридаги “Эстадио Акрон” стадионида бўлиб ўтди.
Биринчи бўлимда гол урилмади. 59-дақиқада чехиялик Ладислав Крейчи бош билан гол уриб, ҳисобни очди. Корейслар тез фурсатда жавоб қайтаришни уддалашди. 67-дақиқада Хван Ин Бом ўз номини таблога ёздириб қўйди.
77-дақиқада чехлар иккинчи тўпни киритишганди, бироқ ВАР Томаш Соучекнинг голини офсайд сабабли бекор қилди. 80-дақиқада Корея терма жамоаси хавфли ҳужум билан жавоб қайтарди ва олдинга чиқиб олди — Хьон Гу О гол муаллифига айланди.
Корея 3 очко жамғариб, "А" гуруҳида 2-ўринни эгаллаб турибди. Биринчи поғонадан эса очилиш ўйинида ЖАРни мағлуб этган (2:0) Мексика жой олган. Чехия ва жанубий африкаликларда эса 0 очкодан мавжуд.
