«Манчестер Сити» ва Испания терма жамоаси ярим ҳимоячиси Родри миллий жамоадаги шериги Ламин Ямал ҳақида фикр билдирди.

«Бир неча кун аввал Ламин менга жаҳон чемпионатига тайёргарлик кўриши кераклиги учун кечки овқатга келмаслигини айтди. У жуда диққатини жамлаган. Мен Ямални ушбу турнирда иштирок этиш учун идеал ҳолатда деб ҳисоблайман», — деди Родри. Унинг сўзларини X ижтимоий тармоғидаги Barca Universal саҳифаси келтирмоқда.

2026 йилги футбол бўйича жаҳон чемпионати 11 июндан 19 июлга қадар давом этади. Мусобақада 48 та терма жамоа иштирок этади ва улар тўрттадан жамоа жойлашган 12 та гуруҳга бўлинган.