Франция терма жамоаси ҳужумчиси ва сардори Килиан Мбаппе 2026 йилги жаҳон чемпионати учун ажратиладиган мукофот пуллари ҳамда футболчилар оилалари учун белгиланган жойлар масаласида Франция футбол федерацияси (FFF) президенти Филипп Диалло билан олиб борилган музокараларда жуда қатъий позиция намоён этган. Бу ҳақда L'Équipe нашри хабар бермоқда.
Манба маълумотларига кўра, Мбаппе мазкур жараёнда ҳақиқий етакчи сифатида ҳаракат қилган ва Диалло билан келишувга эришишга муваффақ бўлган.
Франция терма жамоасининг айрим футболчилари мукофот пулларини олиш истаги шахсий бойиш мақсади билан боғлиқ эмаслигини таъкидлашган. Уларнинг айримлари миллий жамоада олган маблағларини хайрия ишларига йўналтиради ёки терма жамоа штаби аъзоларига беради. Чунки мазкур ходимлар учун алоҳида мукофот тўловлари назарда тутилмаган.













