Бразилия терма жамоаси футболчиси Винисиус Жуниор Жаҳон чемпионатидаги илк рақиб — Марокаш терма жамоаси ҳақида ўз фикрларини билдирди. Жамоалар ўртасидаги учрашув 14 июнь куни бўлиб ўтади (Тошкент вақти билан соат 03:00 да).
«Марокаш — Африка ва бутун дунёдаги кўплаб мамлакатлар учун ўрнак. Мен ушбу терма жамоани сўнгги йиллардаги барча муваффақиятлари билан табриклайман. Уларда жуда иқтидорли ва техникаси кучли футболчилар бор. Браим Диас, Ашраф Ҳакимий ва бошқалар — улар мунтазам равишда Чемпионлар лигаси даражасида ўзларини кўрсатишмоқда. Бизни фантастик ўйин кутмоқда. Умид қиламанки, бутун дунёдаги футбол мухлислари ушбу томошадан завқ олишади», — деди Винисиус матбуот анжуманида.
Ушбу гуруҳда Шотландия ва Гаити терма жамоалари ҳам ўрин олган.
