Бразилиялик ҳужумчи Луис Энрике Бразилия терма жамоаси устози Карло Анчелотти ҳақида ўз фикрлари билан ўртоқлашди.
«У ақлбовар қилмас мутахассис, футболчиларни тинглашни, улар билан мулоқот қилишни ва уларни тушунишни биладиган ғолиб мураббийдир. Мистер бизга жуда кўп ёрдам бермоқда, маслаҳатлар ва кўрсатмалар бермоқда», — дея Энрикенинг сўзларини келтиради «Спорт-Экспресс» нашри.
Ҳужумчининг сўзларига кўра, Анчелотти билан суҳбат жараёнида мураббий учун ҳар бир футболчининг ҳаёти ҳақиқатан ҳам қизиқарли эканлиги сезилиб туради.
Жаҳон чемпионати — 2026 даги илк ўйинини Бразилия терма жамоаси 14 июнь куни Марокашга қарши ўтказади.
