Италиянинг «Комо» клуби 21 ёшли ярим ҳимоячи Николас Пасни қўйиб юборишни истамаяпти.

Инсайдер Николо Скиранинг хабар беришича, Мадриднинг «Реал» клуби Бернарду Силва билан шартнома имзолаганидан сўнг, «Комо» Пасни яна бир мавсумга ўз сафида ушлаб қолиш учун максимал даражада ҳаракат қилмоқда. Айни дамда клублар ўзаро музокараларни давом эттиришяпти.

Бундан олдинроқ, аргентиналик футболчининг ўзи ҳам Силванинг келиши сабабли «Реал»га қайтишни хоҳламаётгани ҳақида хабар берилган эди.

Якунланган мавсумда Пас барча мусобақаларда жами 40 та учрашувда майдонга тушиб, рақиблар дарвозасини 13 бор ишғол қилди ва саккизта голли узатмани амалга оширди. Эслатиб ўтамиз, келаси мавсумда «Комо» Чемпионлар лигасида иштирок этади.