Italiyaning «Komo» klubi 21 yoshli yarim himoyachi Nikolas Pasni qo‘yib yuborishni istamayapti.

Insayder Nikolo Skiraning xabar berishicha, Madridning «Real» klubi Bernardu Silva bilan shartnoma imzolaganidan so‘ng, «Komo» Pasni yana bir mavsumga o‘z safida ushlab qolish uchun maksimal darajada harakat qilmoqda. Ayni damda klublar o‘zaro muzokaralarni davom ettirishyapti.

Bundan oldinroq, argentinalik futbolchining o‘zi ham Silvaning kelishi sababli «Real»ga qaytishni xohlamayotgani haqida xabar berilgan edi.

Yakunlangan mavsumda Pas barcha musobaqalarda jami 40 ta uchrashuvda maydonga tushib, raqiblar darvozasini 13 bor ishg‘ol qildi va sakkizta golli uzatmani amalga oshirdi. Eslatib o‘tamiz, kelasi mavsumda «Komo» Chempionlar ligasida ishtirok etadi.