«Реал» марказий ҳимоячи Ибраима Конатенинг трансфери бўйича келишувга эришиб, ёзги энг муҳим трансферлардан бирини якунлаб бўлди. Футболчи Жаҳон чемпионатидаги Франция терма жамоаси сафидаги ўйинларини тугатганидан сўнг Мадрид клубига расман қўшилиши кутилмоқда.

«У жуда агрессив ҳимоячи — бу сўзнинг энг яхши маъносида. У деярли ҳеч қачон хато қилмайди, тўпни олиб қўйишда жуда қатъиятли. У рақибга бугун оғир оқшом кутаётганини тушунтириб қўйишни истайди. Жамоамизда шундай ҳимоячилар бўлиши менга ёқади.

Унда характер ва шижоат бор, тактик жиҳатдан қайишқоқ — рақибни юқорида кутиб олиши, яккама-якка курашларда (дуэлларда) ғалаба қозониб, интизомни сақлаган ҳолда ўйнаши мумкин», — дея Мбаппенинг сўзларини L’Équipe нашри келтиради.

Эслатиб ўтамиз, Конате бундан аввал «Ливерпуль» сафида тўп сурган. Футболчи жамоани эркин агент сифатида тарк этади.